U3F1ZWV6ZTMxMjA5NjQ2OTA2X0FjdGl2YXRpb24zNTM1NjIyNDAwODE=
recent
أخبار ساخنة

معلومات حول كيفية إغلاق حساب بنكي

السلام عليكم.. 
تلقينا عدد كبير من الأسئلة عن حسابات تركها أصحابها و البنك كي طالبهم بأداء مبالغ كبيرة جراء تراكم مصاريف الحساب.
المادة 55 من النص القانوني الدي نشر في الجريدة الرسمية يوم 19 شتنبر 2019 المتعلقة بقفل الحساب البنكي كا تقول بلي البنك خاص يسد الحسابات لي بقى فيها رصيد -إيجابي- أقل من 100 درهم و لم يسجل أية عملية مند سنة. ديك إجابي مهمة حيت إلى خديتي مثلا شي تسبيق على الأجرة و خليتي الحساب برصيد سلبي راه البنك غا يخلي الحساب إتراكم فيه les agios و ممكن يدعيوك باش ترجع كلشي.

دبا الإشكال كين في المادة 56 لي كا تخلي البنك ما يسدش الحساب و إلى قريتها غا تعرف علاش  

المادة 56 المتعلقة بالحسابات البنكية الي غادي تغلق، كاتقول بلي فحالة بغيتي الحساب ديالك يتسد من الواجب ترجّع أولا وسائل الأداء لي عطاتك البنكة، كدفتر الشيكات و البطاقات الإلكترونية... إلخ
علاش؟؟
باش أولا نتا تحمي راسك ليضيع ليك شي شيك، وثانيا البنكة هي لي تتحمّل المسؤولية فالشيكات لي باقيين فالدفتر باش ماتدوزش حتى شي عملية فالحساب ويرجع شي شيك بداع عدم توفّر المؤونة، ويدوزو إقتطاعات جداد ويعاود يتفعّل الحساب مرّة أخرى.. و من جهة أخرى لضمان حقوق الناس لي عطاهم الزبون شيكات.


أما بالنسبة للبطاقات الإلكترونية، البنكة كتعطيك بطاقة كايكون فيها أجل 4 سنوات باش تموت، وكتبدا تحيّد ليك كل عام واحد الإقتطاع ديالها.. يعني كمثال خديتي كارطة وكتخلّص عليها 100 درهم، إذن الثمن ديالها الأصلي هو 100×4 سنوات = 400 درهم.. 
وبالتالي ملي كتطلب منك البنكة لاكارط ترجعها ليها، راه غي باش متسدش حسابك ويتحسبو عليك الإقتطاعات ديال السنوات لي مستعملتيش فيها لاكارط...

وكنصيحة أخيرة إلى حررتي طلب إغلاق الحساب ماتنساش كتب فيه رقم البطاقة الإلكترونية و الأرقام التسلسلية ديال الشيكات لي رجعتي..
تحياتي..
الاسمبريد إلكترونيرسالة