U3F1ZWV6ZTMxMjA5NjQ2OTA2X0FjdGl2YXRpb24zNTM1NjIyNDAwODE=
recent
أخبار ساخنة

ماهو حساب التوفير أو ما يسمى بحساب الدفتر compte sur carnet

#حساب_التوفير #compte_sur_carnet



اليوم نهدرو على حساب الدفتر Compte sur carnet، نعرفو لاش كيصلاح و الامتيازات ديالو، خصوصا أن كاين اللي عندو و ما عارفش لاش دايرو و كاين اللي محتاج بيه و ما عارف عليه والو.

هاد الحساب من بين المنتوجات المتعددة ديال الاستثمار Placement و التوفير Épargne (أي جميع الفلوس أو الجليجة) و هو الأكثر بساطة و سهولة في الاستعمال، بحيث أن أي واحد عندو أكثر من 18 عام (أو يلا عندو أقل يديرو ليه ولي أمرو بسميتو) يقدر يديرو فأي وكالة Agence (ماشي ضروري اللي عندك فيها الحساب العادي) يكفي أنك تحط فيه مبلغ من المال ابتداءا من 100 درهم (و ما تفوتش 40 مليون سنتيم) الميزة ديالو هو أنه خلافا للمنتوجات الأخرى ديال التوفير و الاستثمار (Compte à terme, bons de caisse, Assurance-épargne,...) ، هادا نقدرو ندخلو ليه و نخرجو منو الفلوس فأي وقت بغينا داكشي علاش كيتعتابر Compte à vue يعني أن الفلوس اللي فيه متوفرين Disponible في الحين. نقدرو نخرجو منو الفلوس اللي خبينا فيه فابور من أي وكالة Cih bank أو ندوزو الفلوس منو للحساب ديالنا العادي من Cih mobile و نخدمو بيهم كيف بغينا ديك الساعة.

هاد الحساب ما فيهش اقتطاعات نهائيا مدى الحياة، يعني تحط فيه مثلا 5000 درهم و تغبر 5 سنوات ترجع تلقاها مازالا و أكثر من ذلك غادي تلقاها تزادت لأن كل 3 أشهر البنك، علا حساب المبلغ اللي نتا حاط فهاد الكارني، كي عطيك أرباح ديالك كيتسماو Agios créditeurs، و ذلك لتشجيع الناس على التوفير. النسبة ديال هاد الأرباح كي حددها بنك المغرب و يقدر البنك يعطيك أكثر منها. 

أي واحد واحد يقدر يحط ليك فيه الفلوس فأي وكالة و ماشي ضروري يكون عندو الكارني (يكفي أنك تعطيه رقم حساب التوفير أو غير Identifiant ديالك ف Cih mobile و يقول ليهم بغيت نحط لهاد السيد ف Compte sur carnet ديالو).

هاد الحساب، بما أن فيه الأرباح خاص ضروري يبقا فيه واحد المبلغ ديال 100 درهم على الأقل، و ما يمكن ليك تاخدها حتا يتسد. 

الناس اللي تي بغيو يوفرو واحد المبلغ من المدخول ديالهم شهريا، كي ديرو Virement permanent أي كل شهر فواحد النهار محدد من اختيارهم (مثلا نهار 5 من كل شهر) كي دوز داك المبلغ اللي ختارو Automatiquement من حسابهم العادي لحسابهم ديال التوفير و تي بقاو يتجمعو فيه على مدى الأشهر.

يلا درت فيه عمليات من Cih mobile دخلت ليه أو خرجت منو الفلوس (عن طريق Virement) أو حطيت فيه الفلوس بلا ما نديه معايا، نهار نكون دايز لشي وكالة Cih bank نعطيهم الكارني و نقول ليهم يديرو ليه Mise à jour بحيث تيكتبو فيه جميع العمليات اللي درنا قبل و ما كانوش مقيدين فيه (ف Système و ف Cih mobile تيبانو ليك و تا يكونو محسوبين، هاد العملية غير باش يتقيدو فيه هو و صافي).

هاد الحساب،  عكس Code 30 كيمشيو فيه البراوات للعنوان اللي عطيتهم فالوكالة (غالبا اللي فلاكارط ناسيونال) و يلا بغيت نقدر نحبسهم ما يجيوش و نبقا نشوفهم غير ف Cih Online،  كندخل ل mes e-documents => courrier dématérialisé و نكليكي على Activer اللي بالزرق (هادشي فالسيت ماشي Application) 

في الأخير خاص نعرفو بلي هاد حساب التوفير، حسب القانون البنكي، عندي الحق فواحد فقط فالقطاع البنكي كامل، يعني يلا عندي ف Cih bank ما عنديش الحق نديرو فشي بنك آخر.

نتمنا تكونو تعرفتو أكثر على هاد الحساب ديال التوفير و المزايا ديالو، و اللي مازال عندو شي لبس أو استفسار مرحبا بيه.

تحياتي الخالصة.

اللي بغا يكتاشف مواضيع أخرى: إضغط هنا
الاسمبريد إلكترونيرسالة